منتدى اسديره الثقافي
حللت اهلا ووطئت سهلا في ربوع منتدى اسديره الثقافي
وزكاة العلم تعليمه .. اهلا بك مره ثانيه عزيزي الزائر الكريم

منتدى اسديره الثقافي

منتدى ثقافي علمي *مهمته الادب والشعر في جنوب الموصل / العراق
 
الرئيسيةس .و .جالمجموعاتالتسجيلدخول

شاطر | 
 

 ملّ مني القلم، ومن القلم ملّيت.. عمت عينه قلمنه الما نفع شِعره - أبيات شعرية مؤثرة 2011-01-18 :: بقلم: احمد الدليمي ::

اذهب الى الأسفل 
كاتب الموضوعرسالة
الرملاوي_1

avatar

عدد المساهمات : 137
نقاط : 215
تاريخ التسجيل : 13/01/2010

مُساهمةموضوع: رد: ملّ مني القلم، ومن القلم ملّيت.. عمت عينه قلمنه الما نفع شِعره - أبيات شعرية مؤثرة 2011-01-18 :: بقلم: احمد الدليمي ::    الخميس مارس 08, 2012 2:42 pm

كلٌ يغني على ليلاه اخي الغالي وكلامك صحيح وقصيده من اجمل ما قرأت ولكن هل يصلح العطار ما افسد الدهرُ؟ اعتقد لا على الاقل الان


تحياني واحترامي
الرجوع الى أعلى الصفحة اذهب الى الأسفل
خلف الحويج



عدد المساهمات : 11
نقاط : 39
تاريخ التسجيل : 29/01/2011
العمر : 63

مُساهمةموضوع: ملّ مني القلم، ومن القلم ملّيت.. عمت عينه قلمنه الما نفع شِعره - أبيات شعرية مؤثرة 2011-01-18 :: بقلم: احمد الدليمي ::    الأحد فبراير 27, 2011 4:30 am

ملّ مني القلم، ومن القلم ملّيت
عمت عينه قلمنه الما نفع شِعره
تعب حته الشِعر ويه العراقيين
وصار بحال اهلنه وبالعراق ادره
رسمت حروف العراق برسم فنان
وجمعت اربيل والانبار والبصره
وگلت لازم حروفي توحد الخوّان
ما معقوله هيچ تصير فد مره
ورديت ولگيت دموع عالوجنات
حروف الرسمتهه اليوم متطشره
كردستان تحچي بزودهه وتگول
احنه العاصمه وبغداد متأخره
والبصره تگول احنه نريد اقليم
ومن نفط العراق الكُم فقط عُشره

وشفت للفتنه والله العراقيين
دون حروف جر يا ناس منجرّه
مذبوحه المحبه وناس تكره ناس
سويّه الي يحب والقابض الجمره
حته الورد ما يرضه بعد بالماي
من دمنه تريد الورده والشجره

رقم جبنه قياسي بالقتل والموت
وصرنه اول شعب نص اهله متهجره
نهر دجله يا ناس من الجثث غرگان
خلي نمد ادينه لدجله وانجرّه
على جثثنه ادور هالفضائيات
ياهو الي يصور ياخذ الاجره
معصوبه العيون مچتفه الايدين
وانواع الرصاص يچوب بصدره

لا اهله اجوي وچفّنوه بچفان
مجهوله الهويه ومن دره بأمره؟
اذا امّه الحنونه الصايمه برمضان
ما اكلت اكلهه وبقت تنتضره
تنتضره يرد وتريد تحجي وياه
اثاري العيد لازم ينگطع مهره
لان باعت ذهبهه بشارع الصياغ
حته تزوج ابنهه الما فرح عمره

ما نامت بقت سهرانه كل اليل
ايا ليل العراق الما بزغ فجره
وما جاهه صبر طلعت تدور عليه
مثل طلعة حمامه بعينهه العبره
وما شافت ابنهه وجاهه ملك الموت
تعرف شنهي يعني تموت بالحسره ؟

معناها الفرح صاير مثل رجال
شايل ورده بيده وخنجر بضهره
معناها عراقك كاتل ومكتول
سوده گلوبهم وعقول مفتره
وكل هذا ويگلي احنه العراقيين
سنه وشيعه عشنه الحلوه والمره !!
لا والله چذب احنه العراقيين
سنه وشيعه مثل الضره عالضره

ملينه الچذب وليمته وليا دوب
واقع حال لازم نخضع لامره
ملينه الچذب وليمته وليا دوب
قصايدنه اجت للناس متأخره
نعم خوان احنه..
نعم خوّان احنه وياك آني بهاي
بس مو من بعد تفجير سامرّه
بعد تفجير سامرّه العراقيين
مثل فلم الرعب ودمايته الحمره
مو فتنه صحيح الصايره ابّغداد
سونامي الفتن بغداد منتشره
قتل مو عالهويه هواي متوهمين
صارت عالاسم گص راسه ويشمره

واليگلي تبالغ انته حيل بهاي
جبت حجه ودليل وياي هالمرّه
صفر كل النتايج للعراقيين
بس بالفتنه جابوا عشره من عشره
هذا يگول سني ناصبي اغتالوه
وهذا يگول شيعي رافضي نكفره
ضلّوا بهالسوالف يا خزي ويا عار
واسرائيل علگت نارهه الكبره
يول وين الشرف گدامكم بغداد
شگّوا ثوبهه واخذوهه متأسره
اغتصبوهه الكُفر.. ما تسمعوهه تصيح
آنه ام الشرف واليوم مو عَذره
بعد والله ما ينفعنه قيل وقال
لان كلشي انتهه واناحبرت الجرّه

مرحوم العراق استشهد من سنين
يا وسفه صفت أشلائه متنثره
متنثره بمزابل يمهه كوم چلاب
اكلت من لحومه وما درت سرّه
صير وياي بس هالمره اترجاك
عيب من العراق اليوم نتبرّه
صعبه بمزبله جثة العراق تصير
خلي نشيله منهه وندفنه بگبره
العراق مايموت بأذن الله ابد بالمره
بس هي ريح هوجاء مصفره
تكشف المستور وتفضح كل خاين وعميل
للأجنبي وللكافر صار آله وسهله امره
وتنجلي الغمه ويرجع الماي يجري
بفرات ودجله من منابعها المصبها بالبصره
وترجع ربوع بلادي تزهي بربيعها
وترتفع هاماتنا وترجع النا عزتنا وكرامتنا من بعد احبره
رب العزه مايخذل من تمسك بحبله
وقارع الكفر وجاهد لرد المعتدي بنحره
flower [/siz
e]
الرجوع الى أعلى الصفحة اذهب الى الأسفل
 
ملّ مني القلم، ومن القلم ملّيت.. عمت عينه قلمنه الما نفع شِعره - أبيات شعرية مؤثرة 2011-01-18 :: بقلم: احمد الدليمي ::
الرجوع الى أعلى الصفحة 
صفحة 1 من اصل 1
 مواضيع مماثلة
-
» جواكت حلوة
» عالم الالوان_اللون الاحمر ملك الرومانسية واميرالشهية
» لن نرضى بغير كأس اسيا2011
» نهايه العالم 2012 نبؤه ام حقيقه علميه
» حصريا عمرو حاحا مولد عين شمس 2011

صلاحيات هذا المنتدى:لاتستطيع الرد على المواضيع في هذا المنتدى
منتدى اسديره الثقافي :: الزاوية الأولى :: واحة الشعر والامثال-
انتقل الى: